சிறகின் வழியே

மருத்துவமனையிலிருந்து துவண்ட நாற்றென

ஆயாவை வீட்டுக்கு ஏந்திவரும்

அந்தப் புளியமரத்து முடுக்குப்பாதையில்

தலைகுப்புற அசைவற்றுக் கிடந்த

வண்ணத்துப்பூச்சியை இழுத்துப்போகின்றன

கொலைக்கரம் வாய்த்த எறும்புக் கூட்டம்

காற்றுத் தொகுதி ஆராதித்துக்கிடந்த

அதன் வண்ணச் சிறகளிலிருக்கும்

நான்கைந்து ஓட்டைகளின் வழியே

வெளியேற முடிவு செய்துவிட்டது

ஆயாவின் உயிர்